ನಮ್ಮ ಭಾರತದ ರಸ್ತೆಗಳಲ್ಲಿ ಧೂಳೆಬ್ಬಿಸೋಕೆ ರೆಡಿಯಾಗಿದೆ 90ರ ದಶಕದ ಲೆಜೆಂಡ್, ಬಿಗ್ ಡ್ಯಾಡಿ ಟಾಟಾ ಸಿಯೆರಾ! ಈ ಹೊಸ SUV ಬಗ್ಗೆ ಮಾರ್ಕೆಟ್ನಲ್ಲಿ ಭಾರೀ ಕ್ರೇಜ್ ಶುರುವಾಗಿದೆ. ಇದರ ಟೆಕ್ನಾಲಜಿ, ಡಿಸೈನ್, ಮತ್ತೆ ಬೆಲೆ ಎಲ್ಲವನ್ನೂ ನೋಡಿದ್ರೆ ಬೇರೆ ಕಂಪನಿ ಕಾರುಗಳಿಗೆ ನಿಜಕ್ಕೂ ನಡುಕ ಶುರುವಾಗಿದೆ ಅಂತಾನೇ ಹೇಳಬಹುದು.
ಹಳೆ ಸಿಯೆರಾಗೆ ಇದ್ದ ಕ್ರೇಜ್ ಈಗಲೂ ಹಾಗೇ ಇದೆಯಾ? ಇದರ ಇಂಟೀರಿಯರ್, ಎಕ್ಸ್ಟೀರಿಯರ್ ಫೀಚರ್ಸ್ ಏನು? ಯಾವ ವೇರಿಯಂಟ್ಗಳಲ್ಲಿ ಸಿಗುತ್ತೆ, ಬೆಲೆ ಎಷ್ಟು? ಈ ಎಲ್ಲವನ್ನೂ ನಮ್ Belagavi Voice ನಿಮಗೆ ಡೀಟೇಲ್ ಆಗಿ ಹೇಳ್ತೀವಿ, ಬನ್ನಿ ನೋಡೋಣ.
ಟಾಟಾ ಸಿಯೆರಾ: ಲೆಜೆಂಡ್ನ ಮರುಹುಟ್ಟು!
90ರ ದಶಕದ ಫೇವರಿಟ್ SUV ಟಾಟಾ ಸಿಯೆರಾ ಭಾರತದ ರಸ್ತೆಗಳಿಗೆ ಮತ್ತೆ ಬಂದಿದೆ. ಆಗಿನ ಕಾಲದ ಅದರ ತ್ರೀ-ಡೋರ್ ಡಿಸೈನ್, ಪವರ್ ವಿಂಡೋ, ಪವರ್ ಸ್ಟೇರಿಂಗ್, ಎಸಿ ಸಿಸ್ಟಮ್ ತುಂಬಾ ಜನಪ್ರಿಯವಾಗಿತ್ತು. 1995ರಲ್ಲಿ ಇದು ಪ್ರಧಾನಮಂತ್ರಿಗಳ ಅಧಿಕೃತ ವಾಹನವಾಗಿ ಆಯ್ಕೆಯಾಗಿತ್ತು, ಡಾ. ರಾಜ್ಕುಮಾರ್ ಅವರ ಮನೆಯಲ್ಲೂ ಸಹ ಇತ್ತು. 2000ರ ಆರಂಭದಲ್ಲಿ ಪ್ರೊಡಕ್ಷನ್ ನಿಂತರೂ, 2020ರಲ್ಲಿ ಟಾಟಾ ಕಮ್ಬ್ಯಾಕ್ ಘೋಷಿಸಿತ್ತು. ಈಗ ಹೊಸ ಟೆಕ್ನಾಲಜಿ, ಫ್ಯೂಚರಿಸ್ಟಿಕ್ ಡಿಸೈನ್ ಹಾಗೂ ಇವಿ ಕೆಪಬಿಲಿಟಿ ಜೊತೆ ಈ ಲೆಜೆಂಡ್ ಬಂದಿದೆ.
ಹೊಸ ಸಿಯೆರಾದ ಸ್ಟೈಲಿಶ್ ಎಕ್ಸ್ಟೀರಿಯರ್
ಹೊಸ ಟಾಟಾ ಸಿಯೆರಾ ಹಳೆಯ ಡಿಸೈನ್ನ್ನೇ ಬೇಸ್ ಆಗಿಟ್ಟುಕೊಂಡು ಆಧುನಿಕ ಸ್ಪರ್ಶ ನೀಡಿದೆ. ಹಳೆಯ ಸಿಯೆರಾದಲ್ಲಿದ್ದ ಪ್ಯಾನರೋಮಿಕ್ ರೇರ್ ವಿಂಡೋ ಇಲ್ಲಿ ಮುಂದುವರೆದಿದೆ. ಆದರೆ, ಉಳಿದ ಸ್ಟ್ರಕ್ಚರಲ್ ಡಿಸೈನ್ಗಳು ಸಂಪೂರ್ಣವಾಗಿ ಬದಲಾಗಿವೆ. ಎಲ್ಇಡಿ ಡಿಆರ್ಎಲ್ಗಳು ಮತ್ತು ಪ್ರಾಜೆಕ್ಟರ್ ಹೆಡ್ಲ್ಯಾಂಪ್ಗಳು ಕಾರ್ಗೆ ಸೂಪರ್ಬ್ ಔಟ್ಲುಕ್ ಕೊಡುತ್ತವೆ. ನೈಟ್ ಡ್ರೈವಿಂಗ್ಗೆ ಅನುಕೂಲ ಆಗುವಂತೆ ಟರ್ನ್ ಮಾಡಿದ ಕಡೆ ಲೈಟ್ ಬೀಳುವಂತೆ ಡಿಸೈನ್ ಮಾಡಿದ್ದಾರೆ. ಫಾಗ್ ಲ್ಯಾಂಪ್ಗಳು ಲಭ್ಯವಿವೆ. ಬೋಲ್ಡ್ ಎಲ್ಇಡಿ ಟೈಲ್ ಲ್ಯಾಂಪ್ಗಳು ಹಿಂಭಾಗದ ಲುಕ್ಗೆ ಮೆರುಗು ನೀಡಿವೆ.
ಅನುಕೂಲಕರ ಬಾಹ್ಯ ಫೀಚರ್ಗಳು
ಈ ಹೊಸ ಸಿಯೆರಾ ಹಲವು ಅಡ್ವಾನ್ಸ್ಡ್ ಬಾಹ್ಯ ಫೀಚರ್ಗಳನ್ನು ಒಳಗೊಂಡಿದೆ. ವೆಲ್ಕಮ್ ಲೈಟ್ಸ್ ಜೊತೆಗಿನ ಫ್ಲಶ್ ಡೋರ್ ಹ್ಯಾಂಡಲ್ಸ್ ಐಷಾರಾಮಿ ಅನುಭವ ಕೊಡುತ್ತವೆ. ಆಟೋ ಫೋಲ್ಡಿಂಗ್ ಮಿರರ್ ಆಪ್ಷನ್ ವೇರಿಯಂಟ್ ಮೇಲೆ ಲಭ್ಯವಿದೆ. ರಾತ್ರಿ ಡೋರ್ ತೆರೆದಾಗ ಕೆಳಗಿನ ಪ್ರದೇಶ ವಿಸಿಬಲ್ ಆಗಲು ಪಡಲ್ ಲ್ಯಾಂಪ್ಸ್ ಇದೆ, ಇದು ಉಪಯುಕ್ತ ಫೀಚರ್. ಡೈಮಂಡ್ ಕಟ್ 19 ಇಂಚಿನ ಅಲೋ ವೀಲ್ಸ್ಗಳು ಕಾರ್ಗೆ ಬೋಲ್ಡ್ ಲುಕ್ ಕೊಡುತ್ತವೆ. ಗೆಸ್ಚರ್ ಕಂಟ್ರೋಲ್ ಟೈಲ್ಗೇಟ್ ಮತ್ತು ಹಿಡನ್ ರೇರ್ ವೈಪರ್ ಕೂಡ ಇದರಲ್ಲಿದೆ.
ಐಷಾರಾಮಿ ‘ಲೈಫ್ ಸ್ಪೇಸ್ ಕ್ಯಾಬಿನ್’
ಟಾಟಾ ಸಿಯೆರಾ ತನ್ನ ಇಂಟೀರಿಯರ್ನಲ್ಲಿ ಎಲ್ಲೂ ಕಾಂಪ್ರಮೈಸ್ ಆಗಿಲ್ಲ. ‘ಲೈಫ್ ಸ್ಪೇಸ್ ಕ್ಯಾಬಿನ್’ ಫಿಲಾಸಫಿ ಅಡಿಯಲ್ಲಿ ಡಿಸೈನ್ ಮಾಡಿರೋದ್ರಿಂದ, ಕಾರಿನೊಳಗೆ ಕೂತರೆ ಐಷಾರಾಮಿ ಮನೆ ಒಳಗಡೆ ಇದ್ದ ಅನುಭವ ಸಿಗುತ್ತೆ. ಸ್ಟೇರಿಂಗ್ ಡಿಜಿಟಲ್ ಆಗಿದ್ದು, ಇಲ್ಯುಮಿನೇಟೆಡ್ ಲೋಗೋ ಹೊಂದಿದೆ. ಮ್ಯೂಸಿಕ್, ಕಾಲ್ ಕಂಟ್ರೋಲ್ಸ್ ಸ್ಟೇರಿಂಗ್ನಲ್ಲೇ ಇವೆ. ಕೆಲ ವೇರಿಯಂಟ್ಸ್ಗಳಲ್ಲಿ ಫ್ಲೋಟಿಂಗ್ ಡೋರ್ ಹ್ಯಾಂಡ್ರೆಸ್ಟ್, ಕೂಲಿಂಗ್ ಬಾಕ್ಸ್, ಫ್ರಂಟ್ ಮತ್ತು ರೇರ್ ಎಸಿ, ವೆಂಟಿಲೇಟೆಡ್ ಸೀಟ್ಗಳು, ಆರ್ಮ್ರೆಸ್ಟ್ ಹೋಲ್ಡರ್ಗಳು ಲಭ್ಯ.
ರೆವಲ್ಯೂಷನರಿ ಟ್ರಿಪಲ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್
ಹೊಸ ಸಿಯೆರಾದ ಮೋಸ್ಟ್ ಇಂಟರೆಸ್ಟಿಂಗ್ ಫೀಚರ್ ಅಂದ್ರೆ ಅದರ ಟ್ರಿಪಲ್ ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್. ಇದರಲ್ಲಿ ಒಂದು ಕ್ಲಸ್ಟರ್ ಇನ್ಫೋ, ಸೆಂಟರ್ ಇನ್ಫೋಟೈನ್ಮೆಂಟ್ ಮತ್ತು ಡೆಡಿಕೇಟೆಡ್ ಪ್ಯಾಸೆಂಜರ್ ಇನ್ಫೋಟೈನ್ಮೆಂಟ್ ಸ್ಕ್ರೀನ್ ಇವೆ. ಡ್ರೈವರ್ ಮ್ಯಾಪ್ ನೋಡುವಾಗ, ಪ್ಯಾಸೆಂಜರ್ ಇನ್ನೊಂದು ಸ್ಕ್ರೀನ್ನಲ್ಲಿ ಸಾಂಗ್ಸ್ ಅಥವಾ ವಿಡಿಯೋ ನೋಡಬಹುದು. ಇದು ವೈರ್ಲೆಸ್ ಇಯರ್ಫೋನ್ ಮತ್ತು ಗೇಮಿಂಗ್ ಕಂಟ್ರೋಲ್ ಜೊತೆಗೆ ಬರುವುದರಿಂದ, ಕಾರಿನಲ್ಲಿ ಎಂಟರ್ಟೈನ್ಮೆಂಟ್ಗೆ ಯಾವುದೇ ಕೊರತೆ ಇರೋದಿಲ್ಲ.
ಜೆಬಿಎಲ್ ಆಡಿಯೋ ಮತ್ತು ಟಾಪ್-ನೋಚ್ ಸುರಕ್ಷತೆ
ಟಾಟಾ ಸಿಯೆರಾದಲ್ಲಿ ಜೆಬಿಎಲ್ನ 12 ಸ್ಪೀಕರ್ಗಳನ್ನು ಅಳವಡಿಸಿದ್ದಾರೆ. ಡಾಲ್ಬಿ ಅಟ್ಮಾಸ್ ಮತ್ತು ಸೋನಿಕ್ ಶಾಫ್ಟ್ ಸೌಂಡ್ ಬಾರ್ನಿಂದಾಗಿ, ಕಾರಿನೊಳಗೆ ಕೂತರೆ ಥಿಯೇಟರ್ನಲ್ಲಿರುವಂತ ಸಿನಿಮ್ಯಾಟಿಕ್ ಅನುಭವ ಸಿಗುತ್ತೆ. ಸೇಫ್ಟಿ ವಿಚಾರದಲ್ಲಿ ಟಾಟಾ ಯಾವತ್ತೂ ಕಾಂಪ್ರಮೈಸ್ ಆಗಿಲ್ಲ, ಈ ಕಾರ್ ಕೂಡ ಫೈವ್ ಸ್ಟಾರ್ ರೇಟಿಂಗ್ ಪಡೆಯೋ ನಿರೀಕ್ಷೆ ಇದೆ. ಆರು ಏರ್ಬ್ಯಾಗ್ಗಳು ಪ್ರಯಾಣಿಕರಿಗೆ ರಿಯಲ್ ಟೈಮ್ ಪ್ರೊಟೆಕ್ಷನ್ ಕೊಡುತ್ತವೆ. ಫ್ಯಾಮಿಲಿ ಸೇಫ್ಟಿಗೆ ಇದು ನಿಜಕ್ಕೂ ಒಂದು ದೊಡ್ಡ ಪ್ಲಸ್ ಪಾಯಿಂಟ್.
ವಿಶಾಲ ಬೂಟ್ ಸ್ಪೇಸ್ ಮತ್ತು ವೈವಿಧ್ಯಮಯ ವೇರಿಯಂಟ್ಗಳು
ಕಾರು ಖರೀದಿಸುವಾಗ ಬೂಟ್ ಸ್ಪೇಸ್ ಮುಖ್ಯ. ಟಾಟಾ ಸಿಯೆರಾ 622 ಲೀಟರ್ ಬೂಟ್ ಸ್ಪೇಸ್ ಕೆಪ್ಯಾಸಿಟಿ ಹೊಂದಿದೆ, ಇದು ಸೆಗ್ಮೆಂಟ್ನಲ್ಲೇ ಬೆಸ್ಟ್. ಸೀಟ್ ಫೋಲ್ಡಿಂಗ್ ಆಪ್ಷನ್ನಿಂದ ಜಾಗ ಇನ್ನೂ ಹೆಚ್ಚಾಗುತ್ತದೆ. ಈ ಕಾರ್ ಆರು ಪ್ರಮುಖ ವೇರಿಯಂಟ್ಗಳಲ್ಲಿ ಲಭ್ಯವಿದ್ದು, ಪ್ರತಿ ವೇರಿಯೆಂಟ್ಗೂ ಬೇರೆ ಬೇರೆ ಕಲರ್ ಆಪ್ಷನ್ಗಳು ಇವೆ. 500+ ಕಿಲೋಮೀಟರ್ ರೇಂಜ್ ಹೊಂದಿರುವ ಇವಿ ವೇರಿಯಂಟ್ ಕೂಡ ನಿರೀಕ್ಷಿಸಬಹುದು.
Read More: ಭಾರತಕ್ಕೆ ಕಾಲಿಟ್ಟ ಹೊಸ ಎಲೆಕ್ಟ್ರಿಕ್ SUV: VinFast VF7 ವಿಶೇಷತೆಗಳು
ಬೆಲೆ, ಲಾಂಚ್ ದಿನಾಂಕ ಮತ್ತು ಕೆಲವು ಡ್ರಾಬ್ಯಾಕ್ಸ್ಗಳು
ಟಾಟಾ ಸಿಯೆರಾ ಬುಕಿಂಗ್ ಡಿಸೆಂಬರ್ 16ರಿಂದ ಶುರುವಾಗಿದ್ದು, ಜನವರಿ 16ರಿಂದ ಡಿಸ್ಟ್ರಿಬ್ಯೂಷನ್ ಶುರುವಾಗಲಿದೆ. ಬೆಲೆ ಬಗ್ಗೆ ಹೇಳೋದಾದ್ರೆ, ಬೇಸ್ ಮಾಡೆಲ್ ಸ್ಮಾರ್ಟ್ ಪ್ಲಸ್ಗೆ 11.49 ಲಕ್ಷ (ಎಕ್ಸ್-ಶೋರೂಂ). ಟಾಪ್ ಎಂಡ್ ಮಾಡೆಲ್ಗೆ 25 ಲಕ್ಷಕ್ಕೂ ಹೆಚ್ಚು ಆಗಬಹುದು. ಕೆಲ ಡ್ರಾಬ್ಯಾಕ್ಸ್ಗಳ ಬಗ್ಗೆ ಹೇಳೋದಾದ್ರೆ, ಇವಿ ವೇರಿಯಂಟ್ ಬೆಲೆ ಹೆಚ್ಚಾಗಬಹುದು. ಗ್ಲಾಸ್ ಕವರ್ ಇರುವ ವಿನ್ಯಾಸದಿಂದ ಸೇಫ್ಟಿ ಕ್ಲಾರಿಟಿ ಅಗತ್ಯವಿದೆ.
7 ಸೀಟರ್ ಆಪ್ಷನ್ ಕೊಡದಿರುವುದು ಮೈನಸ್ ಪಾಯಿಂಟ್ ಎನ್ನಬಹುದು.
ತೀರ್ಮಾನ: ಹೀಗೆ, ಹೊಸ ಟಾಟಾ ಸಿಯೆರಾ ಹಳೆ ಲೆಜೆಂಡ್ನ ಆಧುನಿಕ ರೂಪವಾಗಿ ಮಾರ್ಕೆಟ್ಗೆ ಬಂದಿದೆ. ಇದರ ಆಕರ್ಷಕ ಡಿಸೈನ್, ಐಷಾರಾಮಿ ಇಂಟೀರಿಯರ್, ಅಡ್ವಾನ್ಸ್ಡ್ ಟೆಕ್ನಾಲಜಿ ಮತ್ತು ಟಾಪ್-ನೋಚ್ ಸೇಫ್ಟಿ ಫೀಚರ್ಗಳು ಎಲ್ಲರ ಗಮನ ಸೆಳೆದಿವೆ. ಕೆಲ ಸಣ್ಣಪುಟ್ಟ ಡ್ರಾಬ್ಯಾಕ್ಸ್ಗಳಿದ್ರೂ, ಒಟ್ಟಾರೆ ಇದು ಒಂದು ಅದ್ಭುತ ಪ್ಯಾಕೇಜ್ ಆಗಿದೆ. ಟಾಟಾ ಮತ್ತೆ ಒಂದು ಐಕಾನಿಕ್ ಎಸ್ಯುವಿಯನ್ನ ಭಾರತದ ರಸ್ತೆಗಳಿಗೆ ತಂದಿದ್ದು, ಹೊಸ ಸಂಚಲನ ಮೂಡಿಸೋದು ಖಚಿತ. ಹೆಚ್ಚಿನ ಮಾಹಿತಿಗಾಗಿ ಟಾಟಾ ಸಿಯೆರಾ ವೆಬ್ಸೈಟ್ಗೆ ಭೇಟಿ ನೀಡಿ.
