ಚಿಕ್ಕೋಡಿ ತಾಲೂಕಿನ ಎಕ್ಸಂಬ ಪಟ್ಟಣದ ದೃಷ್ಟಿದೋಷವುಳ್ಳ ವಿದ್ಯಾರ್ಥಿ ಅಮಿತ್ ಸಂಜಯ್ ಗಿಡ್ಡ SSLC ಪರೀಕ್ಷೆಯಲ್ಲಿ 96.64% ಅಂಕ ಗಳಿಸಿ ಸಾಧನೆ ಮಾಡಿದ್ದಾರೆ. ಕಣ್ಣು ಕಾಣದಿದ್ದರೂ ಬ್ರೈಲ್ ಲಿಪಿ, ಸ್ನೇಹಿತರ ಸಹಾಯ ಹಾಗೂ ಅಕ್ಕನ ಮಾರ್ಗದರ್ಶನದೊಂದಿಗೆ ಈ ಅದ್ಭುತ ಫಲಿತಾಂಶ ಪಡೆದಿದ್ದಾರೆ. ಈ ಯಶಸ್ಸು ಇಡೀ ರಾಜ್ಯಕ್ಕೆ ಮಾದರಿಯಾಗಿದೆ.
ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಎಕ್ಸಂಬಾ ಪಟ್ಟಣದ ಮಹೇಶ್ವರಿ ಅಂಧ ಮಕ್ಕಳ ಶಾಲೆಯ ವಿದ್ಯಾರ್ಥಿಯಾಗಿರುವ ಅಮಿತ್ ಸಂಜಯ್ ಗಿಡ್ಡ, SSLC ಪರೀಕ್ಷೆಯಲ್ಲಿ ಶೇ. 96.64 ಅಂಕ ಗಳಿಸಿ ಎಲ್ಲರ ಹುಬ್ಬೇರಿಸಿದ್ದಾರೆ. ದೃಷ್ಟಿದೋಷದ ಸವಾಲಿದ್ದರೂ ತಮ್ಮ ಪರಿಶ್ರಮದಿಂದ ಅಮಿತ್ ಈ ಅಸಾಧಾರಣ ಯಶಸ್ಸು ಕಂಡಿದ್ದಾರೆ.
ಅಮಿತ್ ತಾಯಿ ವೈಶಾಲಿ ಸಂಜಯ್ ಗಿಡ್ಡ ಅವರ ಸಂತೋಷಕ್ಕೆ ಪಾರವೇ ಇರಲಿಲ್ಲ. ಅಮಿತ್ ಮೊದಲ ತರಗತಿಯಿಂದಲೂ ಮಹೇಶ್ವರಿ ಶಾಲೆಯಲ್ಲೇ ವ್ಯಾಸಂಗ ಮಾಡುತ್ತಿದ್ದಾರೆ.
‘ನಮಗೆ 94% ಅಂಕ ಬರುವುದಾದರೂ ಎಂದುಕೊಂಡಿದ್ದೆವು, ಆದರೆ 96% ಬಂದಿದ್ದು ನಿಜಕ್ಕೂ ಆಶ್ಚರ್ಯಕರ’ ಎಂದು ಅವರು ಹೇಳಿದ್ದಾರೆ.
ಮಗನಿಗೆ ಸಂಗೀತದ ಬಗ್ಗೆ ಅಪಾರ ಆಸಕ್ತಿ ಇದೆ.
ಚಿಕ್ಕಂದಿನಿಂದಲೇ ಮನೆಯಲ್ಲಿ 50 ರೂಪಾಯಿ ಗಿಟಾರ್ ನುಡಿಸುತ್ತಿದ್ದ. ಇದೀಗ ಆತನ ಸಂಗೀತದ ಆಸಕ್ತಿಯನ್ನು ಪ್ರೋತ್ಸಾಹಿಸಲು ಮುಂದಾಗಿದ್ದೇವೆ ಎಂದು ತಾಯಿ ವೈಶಾಲಿ ತಿಳಿಸಿದರು. ಮುಂದೆ ಧಾರವಾಡದ GSS ಕಾಲೇಜಿನಲ್ಲಿ ಸಂಗೀತ ಶಿಕ್ಷಣ ಮುಂದುವರಿಸುವ ಚಿಂತನೆ ನಡೆಸಿದ್ದಾರೆ.
ಅಮಿತ್ ತಮ್ಮ ಅಧ್ಯಯನಕ್ಕಾಗಿ ಬ್ರೈಲ್ ಲಿಪಿಯನ್ನು ಬಳಸುತ್ತಿದ್ದರು. ಅಲ್ಲದೆ, ಸ್ನೇಹಿತರು ಓದಿ ಹೇಳಿದ್ದನ್ನು ಕೇಳಿಸಿಕೊಂಡು ಅದನ್ನು ನೆನಪಿಟ್ಟುಕೊಳ್ಳುತ್ತಿದ್ದರು. ಬೋರ್ಡ್ ಎಕ್ಸಾಂಗೆ ವನಿತಾ ವಿದ್ಯಾಲಯದಿಂದ ಬಂದ ‘ರೈಟರ್’ ಸುಪ್ರಿಯಾ ಅಕ್ಕ ಅವರ ಸಹಾಯದಿಂದ ಪರೀಕ್ಷೆ ಬರೆದು ಈ ಉತ್ತಮ ಅಂಕ ಗಳಿಸಿದ್ದಾರೆ.
ಶಿಕ್ಷಕರು ಹಾಗೂ ಕುಟುಂಬದವರ ಮಾರ್ಗದರ್ಶನ ಈ ಸಾಧನೆಗೆ ಪ್ರಮುಖ ಕಾರಣವಾಗಿದೆ. ಮಾರುತಿ ದೊಡ್ಡಮಣಿ ಸರ್ ಇಂಗ್ಲಿಷ್ ಪಾಠಗಳನ್ನು ಕಲಿಸಿ ಪರೀಕ್ಷೆಗೆ ಸಿದ್ಧಪಡಿಸಿದ್ದರು. ಪೋಷಕರು ಈ ವರ್ಷ ಜಾತ್ರೆ, ಹಾಡುಗಾರಿಕೆ ಕಾರ್ಯಕ್ರಮಗಳನ್ನು ನಿಲ್ಲಿಸಿ ಸಂಪೂರ್ಣ ಅಧ್ಯಯನಕ್ಕೆ ಒತ್ತು ನೀಡಲು ಪ್ರೇರಣೆ ನೀಡಿದ್ದರು.
ಅಮಿತ್ಗೆ ಸಂಗೀತ ಎಂದರೆ ಬಹಳ ಇಷ್ಟ. ತಬಲಾ, ಕ್ಯಾಸಿಯೊ, ಹಾರ್ಮೋನಿಯಂ ನುಡಿಸಬಲ್ಲ. SSLC ನಂತರ ಪಿಯುಸಿ ಮಾಡಿ ಮ್ಯೂಸಿಕಲ್ ಕೋರ್ಸ್ ತೆಗೆದುಕೊಳ್ಳುವ ಹಾಗೂ ಸರ್ಕಾರಿ ನೌಕರಿ ಪಡೆಯುವ ಗುರಿ ಹೊಂದಿದ್ದೇನೆ ಎಂದು ಅಮಿತ್ ತಿಳಿಸಿದ್ದಾರೆ.
ಅಮಿತ್ ಅವರ ಸಾಧನೆ ಹಾದಿ
- ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಎಕ್ಸಂಬಾ ಪಟ್ಟಣದ ಮಹೇಶ್ವರಿ ಅಂಧ ಮಕ್ಕಳ ಶಾಲೆಯಲ್ಲಿ ವ್ಯಾಸಂಗ.
- ಬ್ರೈಲ್ ಲಿಪಿ ಮೂಲಕ ಕಲಿಕೆ ಹಾಗೂ ಸ್ನೇಹಿತರು ಓದಿ ಹೇಳುವ ಮೂಲಕ ಅಧ್ಯಯನ.
- SSLC ಬೋರ್ಡ್ ಪರೀಕ್ಷೆಗೆ ವನಿತಾ ವಿದ್ಯಾಲಯದ ‘ರೈಟರ್’ ಸುಪ್ರಿಯಾ ಅಕ್ಕನ ಸಹಕಾರ.
- ಶಿಕ್ಷಕರಾದ ಮಾರುತಿ ದೊಡ್ಡಮಣಿ ಸರ್ ಇಂಗ್ಲಿಷ್ ಪಾಠಗಳನ್ನು ಬೋಧಿಸುವ ಮೂಲಕ ಪ್ರಮುಖ ಬೆಂಬಲ.
ಪೋಷಕರು ಮತ್ತು ಸಮಾಜದ ಮೆಚ್ಚುಗೆ
- “ನಮಗೆ 94% ಅಂಕ ಬರುವುದಾದರೂ ಎಂದುಕೊಂಡಿದ್ದೆವು, ಆದರೆ 96% ಬಂದಿದ್ದು ನಿಜಕ್ಕೂ ಆಶ್ಚರ್ಯಕರ. ಮಗನ ಸಂಗೀತ ಆಸಕ್ತಿ ಮುಂದುವರಿಸಲು ನಮ್ಮ ಬೆಂಬಲವಿದೆ.” – ವೈಶಾಲಿ ಸಂಜಯ್ ಗಿಡ್ಡ, ಅಮಿತ್ ತಾಯಿ.
- “ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು ಎಂಬ ಮಾತಿಗೆ ಅಮಿತ್ ನೈಜ ಉದಾಹರಣೆ. ಇಂತಹ ಮೊಬೈಲ್ ಯುಗದಲ್ಲಿ ಈ ಸಾಧನೆ ಎಲ್ಲರಿಗೂ ದೊಡ್ಡ ಪ್ರೇರಣೆಯಾಗಿದೆ.” – ಎಕ್ಸಂಬಾ ಪಟ್ಟಣದ ನಾಗರಿಕ.
- “ಕಣ್ಣಿದ್ದವರು ಸಹ ಸಾಧಿಸಲು ಹಿಂದೇಟು ಹಾಕುವ ಸಂದರ್ಭದಲ್ಲಿ ಅಮಿತ್ ಅವರ ಸಾಧನೆ ಕಣ್ಣಿದ್ದವರಿಗೂ ಕಣ್ಣು ತೆರಿಸುವಂತಿದೆ.” – ಸ್ಥಳೀಯ ಹಿರಿಯರೊಬ್ಬರು.
- ದೃಷ್ಟಿದೋಷದ ಸವಾಲು ಎದುರಿಸಿಯೂ SSLCಯಲ್ಲಿ 96.64% ಅಂಕ ಗಳಿಸಿ ಅಮಿತ್ ಸಂಜಯ್ ಗಿಡ್ಡ ಮಾದರಿ ಎನಿಸಿದ್ದಾರೆ.
- ಸಂಗೀತದ ಬಗ್ಗೆ ಅಪಾರ ಆಸಕ್ತಿ ಹೊಂದಿರುವ ಅಮಿತ್, ಮುಂದಿನ ಶೈಕ್ಷಣಿಕ ಜೀವನದಲ್ಲಿ ಮ್ಯೂಸಿಕಲ್ ಕೋರ್ಸ್ ಹಾಗೂ ಸರ್ಕಾರಿ ನೌಕರಿ ಪಡೆಯುವ ಗುರಿ ಹೊಂದಿದ್ದಾರೆ.
- ಪೋಷಕರು, ಶಿಕ್ಷಕರು ಹಾಗೂ ಇಡೀ ಸಮುದಾಯದ ಪ್ರೋತ್ಸಾಹದೊಂದಿಗೆ ಈ ಯುವಕನ ಸಾಧನೆಗೆ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದೆ.
